Suallar və cavablar

S: Müsabiqə praktiki olaraq nə vaxt başlayır?

C: İlk mərhələ 28.10.2024-cü il tarixində başlayır.

 

S: Müsabiqə nəyi əhatə edir?

C: Müsabiqə müəyyən edilmiş vaxt ərzində verilmiş tapşırıqları həll etməyi ehtiva edir. Komandanın tapşırıqlar üzərində işləmək üçün həftədə bir dəfə 2 saat müddətində birgə toplaşaraq çalışmaları tövsiyə edilir.

 

S: Kosmik olimpiadada iştirak haqqı tələb olunur?

C: Müsabiqə Milli Kosmik Agentlik tərəfindən təşkil edilir və məktəblər üçün iştirak ödənişsizdir.

 

S: Nəzarətçi müəllimin xüsusiyyətləri nələrdir?

C: Rəqəmsal bilik və bacarığa malik STEAM əsaslı tədrisi təşkil edən motivasiyalı müəllim qrup rəhbəri ola bilər.

 

S: Müsabiqədə müəllimin rolu nədir?

C: Müsabiqə şagirdin müstəqil öyrənməsi və müəllimin komandaya koordinasiyası üzərində təşkil olunub. Müəllimlər komandanın liderləridir və onların rolu məktəblilərin tapşırıqlarda uğur qazanmasına kömək etmək, ədaləti qorumaq, müstəqil öyrənməyi, vaxtı idarə etməyi, komanda işini və sosial çətinliklərin öhdəsindən gəlməyi təşviq etməkdir.

 

S: İlin əvvəlində hansı hazırlıqları etmək lazımdır?

C: İlk addım 20 nəfər məktəblidən ibarət bir komanda formalaşdırmaqdır. Komandanın tərkibi məktəb direktoru tərəfindən müəyyən edilməlidir. Tədris ilinin əvvəlində məktəbdə kompüterlərin mövcud və işlək olduğunu yoxlamaq, tələbələrin müxtəlif rəqəmsal vasitələrə daxil olmaq üçün Google hesabına sahib olmalarını təmin etmək lazımdır.

 

S: Komanda üçün məktəblini necə seçmək olar?

C: İlk növbədə, iştirakın əsas şərtinə uyğun olan dostyana davranışı vurğulamaq vacibdir. Bundan əlavə, məktəbliləri seçmək üçün bir neçə ümumi metod var. Bəzi nümunə metodlar aşağıda sadalanmışdır:

Metod 1: Məktəblilərə komandaya qoşulmaq imkanı təqdim edin və onların arzuları, daxili həyəcanları, təhsil nəticələri və dözümlülüklərini nəzərə almaqla seçim edin.

Metod 2: İstəyən hər bir məktəbli üçün qeydiyyat imkanı yaradın və təbii seçimə güvənin.

Metod 3: Ən yaxşı namizədləri öz metodunuza əsaslanaraq sıralayın (məsələn, "Niyə Olimpiadaya uyğun olduğunuzu düşünürsünüz" mövzusunda esse yazmalarını xahiş edin).

 

S: Qrupda neçə nəfərdən ibarət olmalıdır?

C: Qrup 20 nəfər məktəbli ilə təmsil olunmalıdır. Müsabiqədə iştirak məktəblilər üçün böyük üstünlükdür. Onlar bu sahədə ən son məlumatlarla tanış olur, mürəkkəb materiallarla işləyir, yaradıcı düşünərək qruplarla işləmək kimi mühüm bacarıqları inkişaf etdirirlər. Buna görə də, qrup üçün icazə verilən maksimum sayda məktəblini komandaya cəlb etmək tövsiyə olunur.

 

S: Komanda işini necə təşviq edilməlidir?

C: Tapşırıqları yerinə yetirməzdən əvvəl komanda daxili birlik, motivasiya yaratmaq üçün komanda qurma fəaliyyətinə başlamaq tövsiyə olunur.

 

S: Tapşırıq necə təqdim edilməlidir?

C: Təqdimetmə metodu tapşırığın özündə ətraflı izah ediləcəkdir.

 

S: Müsabiqə kimlər üçündür?

C: Müsabiqə 4-6 sinif və 7-9 sinif şagirdləri üçündür.

 

S: Müsabiqəyə müstəqil qeydiyyat mümkündürmü?

C: Müsabiqə üçün qeydiyyat yalnız məktəb vasitəsilə mümkündür.

 

S: Bir mərhələdə uğursuz olan komandanın taleyi necə olacaq?

C: Mərhələlər seçim əsasında irəliləyir və bütün komandalar növbəti mərhələyə keçməyəcək.

• Müsabiqəni erkən tərk edənlər üçün tapşırıqlara giriş açıq qalır. 

• Yenidən baxılması üçün veb sayt vasitəsilə sorğu təqdim etmək mümkündür.

• Müsabiqənin müxtəlif mərhələləri üçün qiymət hər mərhələyə ayrılmış göstərici üzrə müəyyən ediləcəkdir.

• Komandalar öz balına əsasən yeni mərhələyə yüksələcəklər.

• Final mərhələsində qalib komandalar son tapşırığın balına görə müəyyən ediləcəkdir. Əlavə qalib kateqoriyaları da müəyyən edilə bilər.

• Hər bir mərhələnin ayrı-ayrı qiymətləndirmə vahidi olduğunu qeyd etmək vacibdir.

 

 S: Qeydiyyatımın qəbul edildiyini necə yoxlayım?

C: Müsabiqənin veb saytında iştirak edən məktəblərin siyahısı göstərilir.

 

S: Müsabiqə tapşırıqlarını necə alıram?

C: Tapşırıqlar müsabiqənin veb saytında nümayiş olunur.